Tidenes fyrste Bergen Vegan Festival

0
31

Det var tettpakka på Kvarteret laurdag 3.november når tidenes fyrste Bergen Veganfestival av stabelen. Både store og små tok turen for å smake plantebasert mat og sjekke ut dei mange bodene, foredraga og den gode stemninga. 

Skribent: Mailiss Solheim 

Foto: Silje Van Der Meeren 

Dagen starta med opning av boder og utstilling, der alle gjestene kunne få smakeprøver på digg vegansk mat og drikke, og kjøpe seg mange nice produkt å putte i kjøleskapet heime. 

Festivalen vart arrangert for fyrste gong, og vil sette fokus på vegansk kosthold og -livsstil, og vise alt det gode planteriket har å by på. God mat trenger ikkje vere dyr, som ein kjent veganbloggar har sagt. 

Javiera til høgre i biletet. 

– Festivalen gjekk over all forventing! Det kom så mange folk at ikkje alle fekk plass på kursa og førelesingane,fortel Javiera Francisca Saavedra, som er ein av arrangørane bak festivalen. 

– Så eg vil tru vi med sikkerheit kan kalle årets festival for ein suksess! 

Underteiknande fekk med seg både veggispølser, vegansjokolade og tidenes vegan-ravioli, som alt i skrivande stund er konsumert. Ei rein leikestue for veganarar og vegan-nyfikne, spør du oss! 

Javiera kunne også fortelle at arrangørane er både stolte og krye, og gler seg veldig til neste år. 

– Då vert det forhåpentlegvis over to dager! 

Då er det berre å smøre tålmodet og vente på neste festival – og håpe at festivalen tar høgde for mange folk, slik at alle får plass på kurs og foredrag.